Subscribe:

Monday, October 11, 2010

എന്റെ ഇന്ത്യന്‍ എംബസി നാണം കെടുത്താതെ

അഞ്ചു ദിവസമായി ഖത്തര്‍ എയര്‍വെയ്സിന്റെ ചിലവില്‍ കഴിഞ്ഞിരുന്ന ചെന്നൈ സ്വദേശിനി ഹൃദയാഘാതം മൂലം മരിച്ചു. ബീബി ലുമാദ (40) ആണു മരിച്ചത്. ഖത്തര്‍ എയര്‍വെയ്സില്‍ മസ്കറ്റില്‍ നിന്നു ചെന്നൈയിലേക്കു മടങ്ങുമ്പോള്‍ ദോഹ വിമാനത്താവളത്തില്‍ വച്ച് ഇവരുടെ പാസ്പോര്‍ട്ട് നഷ്ടമാകുകയും ഇവരെ മസ്കറ്റിലേക്കു തിരിച്ചയക്കുകയും ചെയ്തു. എന്നാല്‍ വിസ ക്യാന്‍സലാക്കിയതിനാല്‍ ഇവര്‍ക്ക് ഒമാനില്‍ പ്രവേശിക്കാന്‍ അനുവാദം നല്‍കിയില്ല.
തുടര്‍ന്ന് ഇവര്‍ക്കു മസ്കറ്റ് എയര്‍പോര്‍ട്ടില്‍ കഴിയേണ്ടി വന്നു. ഈ വിവ്വരം ഖത്തര്‍ എയര്‍വെയ്സ് ഇന്ത്യന്‍ എംബസിയെ അറിയിച്ചെങ്കിലും എംബസിയുടെ ഭാഗത്തു നിന്നു കാര്യമായ പ്രതികരണവും ഉണ്ടായില്ല. എയര്‍പോര്‍ട്ട് പൊലീസും ഇതേ ആവശ്യം ചൂണ്ടിക്കാട്ടി എംബസിയെ സമീപിച്ചു.
യാത്രക്കാരിയുടെ സ്പോണ്‍സറുമായി ബന്ധപ്പെടാനുള്ള എയര്‍വെയ്സ് അധികൃതരുടെ ശ്രമവും പരാജയപ്പെട്ടു. മസ്കറ്റ് എയര്‍പോര്‍ട്ടിന്‍റെ സമീപത്തു ഹോട്ടല്‍ ഇല്ലാതിരുന്നതിനാല്‍ ഖത്തര്‍ എയര്‍വെയ്സ് യാത്രക്കാരിക്കു ഭക്ഷണവും വെള്ളവും മറ്റു സൗകര്യങ്ങളും ഒരുക്കിക്കൊടുത്തു. ഹൃദയാഘാതത്തെത്തുടര്‍ന്നു കഴിഞ്ഞ ദിവസം ഇവരെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
ബീബിക്കു നാട്ടിലേക്കു പോകാനുള്ള പാസ്പോര്‍ട്ട് കൈമാറാനിരിക്കുമ്പോഴാണു മരണം സംഭവിച്ചതെന്ന് ഇന്ത്യന്‍ അംബാസഡര്‍ അനില്‍ വാദ് വ പറഞ്ഞു. യാത്രക്കാരിയെ സഹായിക്കാന്‍ നടപടി ക്രമങ്ങളില്‍ കാലതാമസമെടുത്തതില്‍ ദുഃഖമുണ്ടെന്നും അദ്ദേഹം കൂട്ടിച്ചേര്‍ത്തു. മൃതദേഹം നാട്ടിലെത്തിക്കാനുള്ള നടപടികള്‍ സ്വീകരിച്ചു.
ഒരു പാസ്പോര്‍ട്ട്‌ പോലും നല്കാന്‍ കെല്പില്ലാത്ത അംബാസഡര്‍ എന്തിനാ അവിടെ നമ്മുടെ പ്രധിനിധി ആയിട്ടു നില്‍ക്കുന്നത്. തിരിച്ചു പോരൂ ഇനി എങ്കിലും ഞങളെ നാണം കെടുത്താതെ 

എന്തിനു വേണ്ടിയാണു നമ്മുക്ക് ഈ എംബസികള്‍......... കുറയെപേര്‍ക്ക് തൊഴില്‍ നല്‍കണോ? അതോ പ്രവാസികളെ ബുദ്ധിമുട്ടിക്കാനോ?



പ്രവാസി മരിച്ചാല്‍ ആര്‍ക്കാ നഷ്ടം അവന്റെ കുടുംബത്തിന് അല്ലാതെ ആര്‍ക്കാ .സര്‍ക്കാരിന് ഒരു അനുശോചനം അറിയിച്ചാല്‍ മതി. അവന്റെ മക്കള്‍ എങ്ങനെ ജീവിക്കുന്നു എന്നൊന്നും നോക്കേണ്ട ആവശ്യം ഇല്ല.ഇതല്ലേ ജനാതിപത്യം.


ഒരു പ്രാവശ്യം എങ്കിലും ഈ നോക്കുത്തികളായ ജീവനക്കാരെ പിരിച്ചു വിട്ട് ഒരു മാതൃകകാണിച്ചു കൂടെ എന്റെ സര്‍ക്കാരെ.അല്ലാതെ ഇവന്മാര്‍ ഒക്കെ നന്നാകുമെന്ന് തോന്നുന്നുണ്ടോ.അങ്ങനെ ചെയ്താല്‍ ഇനി എങ്കിലും ഒരു പ്രവാസി എയര്‍ പോര്‍ട്ടില്‍ കിടന്നു ഇങ്ങനെ നരകയാതന അനുഭവിച്ചു മരിക്കതെയിരിക്കും അല്ലെങ്ങില്‍ നമ്മള്‍ ഒന്നും അറിയാതെ ഇത് തുടര്‍ന്ന് കൊണ്ടിരിക്കും അവരുടെ ആത്മാക്കള്‍ നമ്മുടെ ഭരണകൂടത്തെ നോക്കി ഇളിച്ചു കാണിക്കും .........എന്നാലും ഇവന്മാര്‍ക്ക് ഒരു നാണവും ഉണ്ടാകില്ല.
മൃതദേഹം നാട്ടിലെത്തിക്കാന്‍ എങ്കിലും അവര് സഹായിച്ചല്ലോ വലിയ കാര്യം.

5 comments:

ശ്രീനാഥന്‍ said...

താങ്കളോട് ചേർന്നു നിൽക്കുന്നു!

നന്ദിനിക്കുട്ടീസ്... said...

ആ പന്ന പുന്നാരമക്കളെയൊക്കെ നാട്ടിലെത്തിയാല്‍ ചെകിട്ടത്തടിക്കണം

Fenil അഥവാ ഫെനില്‍ said...

നന്ദി ശ്രീനാഥന്‍ & നന്ദിനിക്കുട്ടീസ്
നിങ്ങളുടെ വിലയേറിയ അഭിപ്രായങ്ങള്‍ക്ക്

മുക്കുവന്‍ said...

yep... had been to many consulate.. German consulate is the best I have visited and as usual the worst indian consulate...

പഞ്ചാരക്കുട്ടന്‍ said...

@മുക്കുവന്‍ -എന്നാ പറഞ്ഞിട്ട് എന്താ കാര്യം അവര് നന്നാകില്ല

Post a Comment